اين يمكن ان تجد شاليه مميز ومناسب السعر في خمسة نقاط

ازاي تعرف الغردقه في 5  دقايق ؟

                                                                               

ليه الغردقة دوناً عن كل مدن البحر الأحمر؟
 فيها جاذبية وسحر عجيب للأجانب والمصريين على حد سواء بيميزها عن أى مكان تانى فى نفس المنطقة لدرجة انها بقت تالت أكبر المدن المصريه ومن أفضل الأماكن السياحية فى مصر؟  تفتكر ليه ؟؟؟ لما حاولنا نعرف السبب لقينا الموضوع ببساطة هو ان الغردقة فيها كل حاجة ممكن يحبها الناس فى أجازتهم مهما اختلفت أعمارهم واهتماماتهم.

أولاً، الغردقة فيها اختيارات للإقامة من كل المستويات، من الأول الشقق المفروشة، لحد المنتجعات السياحية الفاخرة سواء فى محيط المدينة الداخلى أو على ضواحيها زى الجونة وخليج سوما وخليج مكادى. يعنى أيا كانت ميزانيتك هتلاقى دايماً مكان مناسب تقضى فيه أجازتك هناك.

ثانيا : الغردقة، زيها زي أى مدينة ساحلية، تشتهر بأنشطتها البحرية، ولكنها تتفوق على غيرها فى كم التنوع والوسائل المختلفة اللى ممكن تمارس بيها الأنشطة دى. فرياضة الغوص على سبيل المثال ممكن تستمتع بيها فى مواقع كتير مختلفة، منها اللى بيسمح لك تشوف الشعب المرجانية الكثيفة والكائنات البحرية الغريبة عن طريق رحلات بحرية يومية إلى جزر الجفتون وأبو رمادة وشدوان والفنادير، ومنها مواقع هتعيّشك  فى رحلة عبر الزمن وأجواء من الغموض والحواديت المنسية لما تغوص بين حطام العديد من السفن الغارقة فى منطقة "أبو النحاس". أما لو أنت من هواة الاسترخاء والاستمتاع بشمس الغردقة الدافئة وبحرها الفيروزى الجميل دون القيام برياضة تطلب مجهود وحركة، فالغردقة بتقدم لك رحلات بحرية ناعمة، زي رحلات القارب الزجاجى للى بتوفر لك مشاهدة قريبة للشعاب المرجانية ومراقبة الحياة البحرية من خلال أرضية المركب المصنوعة من الزجاج.   نفسك تجرب الغطس بس بتخاف؟ هتلاقى فى الغردقة تجربة استثنائية اسمها "رحلة الغواصة"، وهى غواصة صغيرة بتاخدك لقاع البحر وتتجول بيها بين الشعب المرجانية وحطام السفن كأنك راكب أتوبيس بيتحرك فى عالم عجيب سكانّه من الأسماك والكائنات البحرية المذهلة